සිංහල හින්දු අලුත් අවරුද්ද හැමටම සුබම සුබ වේවා!
අවරුදු නැකත් උදාව ආසන්නයේ ඔබ හැමටම සුබැපතුම් එකතු වෙනවා. මීට පෙර ලිපියේ පැවසූ පරිදි පත්තිනි දෙවියන් වීදියේ වැඩමවීමෙන් පසුව මුළු ගම් පියසම අලුත් අවරුද්දට සැරසෙනවා. උග්ගල් අලුත්නුවර දේවාලයේ චිරාගත චාරිත්‍ර අනුව මේ දිනවල කතරගම දේවාභරණ රැගත් පෙරහර දින පහක් පුරා දේව මන්දිරය පැදකුණු කරවමින් වැඩමවනවා.
සූර් සංක්‍රාන්ති වෙලාව සටහන් කරමින් හෙට ගම පුරාම දේවාලයේ කාලතුවක්කු වේ ගිගුම් නාදය පැතිර යාවි. දැනට වසර 30 කට පමණ පෙර ගම පුරාම නිවෙස් වල බංකු රබන් හඬ පැතිර ගියා. වර්තමානයේ මේ රබන් හඬ විරල වුව ද , මේ දැනුත් කොල්ලො කුරුට්ටන් විසින් රතිඤ්ඤා හඩ පතුරවන බව ඇසෙනවා. හෙට අවුරුදු උදාවෙන් පසුව තවතවත් දැල්වෙන රතිඤ්ඤා හඬින් මුළු ගමම ඇලලී යාවි.! මිනිසුන් පන්සල් වෙත ගොස් බුදුන් වැඳ හිමිපාණන් වහන්සේලා බැහැ දැක වන්දනා කරාවි. නැකතට ලිප දල්වා නියම කර ඇති අන්දමට කිරිබත් උයාවි. හැබැයි ඉතින් මේ පාර අවුරුද්දේ නැකත් අනුව උදේ 8.30 විතර ඉඳල අම්මලා තම දරුවන්ට වත් පවුලේ කිසිම කෙනෙකුටවත් ලිපේ උයාපු කෑම කන්න දෙන එකක් නෑ. ඒකට අවසර ලැබෙන්නෙ හවස 5.00 ට විතර. ඒ වෙනකං බඩගින්නේ ඉන්න වෙනවා. නැකතට අහර ගැනීමෙන් අනතුරුව හිස තෙල් ගල්වන දින දක්වාම ගමේ ඇත්තන් නෑගම් යනවා. පරණ කෝන්තර තියනවා නම් අමතක කර වැඩිහිටියන්ට බුලත් දී නමදිනවා. සියලු දෙනාම සතුටින් සිටින්න ඕන නේ.
මේ හැම අවුරුද්දකම පිළි පදින සිරිත් විරිත්. කෙටියෙන් කිව්වෙ. මේවා මෙනතරම් සුන්දර ද?
ඒ අතරෙ ගමේ සුහද 15 දින ක්‍රිකට් තරගයක්.! සුහද තාව වර්ධනය කරන විනෝද ජනක ක්‍රීඩාවක්. සංවිධානය වී තිබෙනවා .!! අමතරව16 දින දවස පුරාම හැමටම සහභාගී විය හැකි විවිධ විචිත්‍ර තරග සතුට විනෝදය ගෙන ඒවි.!!! මේ දිනවල එය සංවිධානය කර ගැනීමට ගමේ තරුණ පිරිස දිවා රෑ නොබලා මහන්සි වන බව පෙනෙනවා. එය ගමේ සාමූහිකත්වය ඇති කරමින් කිරිමුට්ටිය උතරනවා මෙන් සතුට උතුරවාවි. මේ තියෙන්නෙ 2015 සංක්‍රාන්ති නැකත් වෙලාව ආසන්නයේ උග්ගල් අලුත්නුවර දේවාලයේ අවුරුදු පෙර සිරිත් තුළින් උපුටා ගත් කොටසක් . මෙහි කිරි උතුරන දිසාව බලා ගමට ලැබන පලාඵල කීම අත්තනායක මොහොට්ටාල නිලමේ විසින් පවසනවා. එය මෙවරත් සිදුවේවි. ඒවා සියල්ල මේ ලින්ක් එකෙන් ගියාම බලන්න හැකියි https://www.facebook.com/OfficialMediaUnitUggalAluthnuwaraDevalaya
ඉතින් ඔබ හැමටමත්
සිංහල හින්දු අලුත් අවරුද්ද සුබම සුබ වේවා!
sugv.wordpress.com 