ආයාචනය Request

පූජනීය  කොත් කඳු මුදුන රැකගනිමු

සේයාසටහන අන්තර්ජාලයෙන්

සිරිපා නමදින්ට යන අවදිය සිහි කරන්න. ඒ කරා ඇදෙන ජන ගංගාව ඈතින් සිට දකින විට  පුංචි කුහුඹු රැලක්  වංගු ගැසුන මගක ගමන් කරන්නාක් බඳුය. මේ  අසිරිමත් දසුන අනාදිමත් කාලයක සිටම දක්නට ලැබුණකි. සෑම වසරකම දෙසැම්බර් පසලොස්වක පෝය දිනෙන්(උඳුවප් පසලොස්වක) ඇරඹි මැයි මස(වෙසක් පසලොස්වක) දක්වා කාලයේ මේ කඳු මුදුනට ඇදී ආ ලොකු කුඩා අයගෙන් සැදි මිනිස් ගංගාවන්, හැම ආගමකටම අයත් බැතිමතුන්, ඒ වෙත ඇදී ආවේ අපරිමිත බැතියෙනි.  කුතුහලය හා විනෝදය උදෙසා ද පැමිණි සංචාරකයන් පිළිබඳ විස්තර ද සෑම අවදියකින්ම  ලැබේ.

ග්‍රීසියේ ඇලෙක්සැන්ඩර්, ඉබන්බතූතා, වැනි ඈතම, ඈත අතීතයේ පැමිණි අය  දැන් මිය ගොසිනි. පෘතුගීසි, ලන්දේසි, ඉංග්‍රීසි ආදී සෑම වර්ගයකින්ම ආ ගිය මිනිසුන් ද  මියැදී ගොසිනි.  මහාවංශය ඇතුළු වංශ කතා කරුවෝ ද, නිශ්ශංකමල්ල රජු මෙන්ම මහවිජයබාහු රජු ද 1930/40  මේ පියස ගවේශනය කරමින් තොතුරු රාශියක් දායාද කළ පූජ්‍ය කිරිඇල්ලේ ඤාණවිමල හිමියන් ද දිවංගතව  ඇත. එකල ගැමියන් හා එක් ව සිරි පා පියස සංරක්ෂණයට  වෙහෙසුන සිඩ්නි එල්ලාවලයන් ද මිය ගොසිනි. ඒ සමග ඇදී ආ සෙනග සේනාවන්ද බොහෝ දෙනකු මියැදී ගොසිනි. දැන් ඇදී එන මිනිසුන් මෙන්ම මේ සටහන තබන sugv ද නියත වශයෙන් ම මිය යනු ඇත.

Thanks google

එහෙත් සමනළ පියස තවම තිබේ. ඉදිරියටත් පවතිනු ඇත. එදා තරම්ම නැතත් ස්වල්පයක් වුවද.  සමනල්ලුන් ද වන්දනාවේ යති.  ඉදිරියටත් යනු ඇත. එහෙයින් මේ අප්‍රමාණ දායාදය අනාගතයටත් රැකී තිබිය යුතුය.

1886 සිරිපා දුටු බ්‍රෝහියර් 

අන්තර් ජාලයෙනි

“සබරගමුවේ සිටි උප ඒජන්තවරයකු 1886 මාර්තු 17 දින රත්නපුරයෙන් පිටත්ව ගිලීමලය ඔස්සේ සිරිපා ගමන යමින් තැබූ සටහන් පෙළ ඉතාම රසවත් වූවකි. මාර්තු 18 ගිලීමලෙන් පෙ.ව. 5.45 ට පිටත්ව 7.45 ට පලාබත්ගලට යමින් හමු වූ පන්සල් ගැන පවසන ඔහු උදේ 9.30 ට ලිහිනි හෙලට ළඟා වූ අයුරුත් විස්තර කරයි. මෙහි දී නගින බහින බොහෝ සැදැහවතුන් හමු වූ විස්තර පවසමින් බෑනසමනළ දිස්වෙද්දී අම්බලමක නවා තැන් ගනී. වන්දනාකරුවන් නගන හඬ නිසා නින්ද අහිමිව සිටි හෙතෙම හැරමිටි පානෙන් රාත්‍රී 11.00 ට පිටත්වෙයි. ආඬියාමල තැන්නට රාත්‍රී 11.55 ට ළඟාවෙමින් මාර්ගයේ පවතින බියකරු බව හා දුෂ්කරතාව ගැන සටහන් තබයි. රාත්‍රී 12.00 ට ආඬියාමල තැන්නෙන් පිටත්ව දරුනු නැග්මක් පසුකරමින් ප.ව. 1.00 ට මුදුනට ළඟාවී ඇත. හිරු උදාව පිළිබඳ  චමත්කාර දසුනෙන් වශී වෙයි”.(බ්‍රෝහියර් දුටු ලංකාවෙන් ගත් උපුටනයකි.)¹

තවත් අනාදිමත් කාලයක් යනතුරු මෙවැනි මිනිස් ගංගාවන් අපරිමිතව  පැමිණෙනු ඇත.උඳුවප් පෝය උදාවීම සමග “සිරී පාදෙට සමන් දෙයියො වැඩමවන පෙරහර” ට පැල්මඩුල්ලේ සිට මග දෙපස සරසා බැනර් දමා වන්දනා කිරීමට සැරසී සිටිනු ඇත. එ දින මහමග දෙපස මහසෙනග පේලි සැදී යානවාහන වලට අවහිර ද කරමින්  දෙවියන් වඩම්මන පෙරහර ඇත්තන්ට දන්සැල් දෙමින් පුද පූජා තැබීමට පුලපුලා බලාසිටිනු ඇත. වාහනවල යන ඇත්තන්ද නෙත් දල්වා මේ මහ සෙනග දෙස සතුටින් බලා සිටිනු මිස  අසතුටු නොවෙති. දැන් අනෙක් ගමන් මාර්ග වලින්ද ආරම්භක දිනම  උත්සවශ්‍රයෙන් ගමන් අරඹන සිරිපා බැතිමතුන් දක්නට ලැබෙයි.

අනතුරුව එළඹෙන දිනයන්හි භාරහාර වීම් පිණිස හෝ භාර ඔප්පු කරනු වස් දෙනෝ දහසක් වන්දනාවේ එන්නට පටන් ගනිති. අහිංසක වන්දනා කරුවන් හැමකෙක්ම පාහේ  ලීහිනි හෙල ප්‍රපාතය අසළින් පහළ බලා “ලිහිනි අක්කේ…..” යි හඬ නගනු ඇත. ස්වල්ප වෙලාවකින් “ලීනි අක්කේ… කියක්කේ….අක්කේ….ක්කේ…” ලෙසින් ඒ දෝංකාර හඬ ද ප්‍රබලව නැගී ක්‍රමයෙන් අඩුවෙමින් ඇසෙනු ඇත. මේ හඬ පිළිබඳව ගෙතුනු ප්‍රබන්ධ කතා පැරණි දැනමුත්තන්  දරුවන්ට කියා දෙනු ඇත.

සේයා සටහන අන්තර්ජාලයෙනි

මේ සියල්ල සඳහා සිරි පා පියස නොකිලිටි ව රැකිය යුතු ය.

ආයාචනය

එය මේ පුංචි දිවයින මධ්‍ය කඳුකරයේ පිහිටි පුංචි කොත්කඳු මුදුනක් වුවද ඓතිහාසික අගය අති විශාලය ! හැම ආගමිකයන්ටම එහි පවතින පූනීයත්වය අතිමහත්ය !! සංචාරකයන්ට එහි පවතින සුන්දරත්වය අප්‍රමාණය. !!! විවිධ විද්වතුන්ට එහි වටිනාකම අමිලය.!!!! ජෛව විවිධත්වයෙන් අනූන වන ජීවීන්ට රජ දහක්ය !!!!

සමනළ කඳු පියසේ ජෛව විවිධත්වය දකිනු, හදාරනු පිණිස පැමිණෙන දෙස් විදෙස් විදුවතුනට, පුරාතතු ගවේශනයේ යෙදෙන විද්‍යාර්ථීන්ට ද කුතුහලයෙන් පිරීගිය දහසක් දෙනාටද පැමිණිමට මේ කොත් කඳුමුදුන ද ඒ කමනීය වන පියසද සිරිපදලස සිසිලස ද රැකිය යුතුය.

වර්තමානයේ සිදුවන  සංවර්ධන කටයුතු පිළිබඳ ජනමාධ්‍ය මගින් පළවන වාර්තාවන් හා විවිධ විචාරයන් මගින් දන්නා දේ හැරෙන්නට වෙන කිසිත්  sugv නොදනී. 1976 ගියාට පසුව  නැවත යාමට අවකාශයක් නොලැබිණි.

සංචාරකයන්ගේ අනවබෝධය වටහා දීමෙන් හෝ පොලීසය යෙදවීමෙන් පාලනය කළ හැකිය. එහෙත් වැටත් නියරත් ගොයම්කානම් ! සියල්ල තමන් දන්නා බව සිතන්නේ නම් එවැනි බලධාරීන්ට වටහා දිය නොහැකිය. පොලීසියට කරන්නට දෙයක් ද ඇත්තේම නැත.

ජනමාධ්‍ය හරහා පෙනෙන ඇසෙන ඇතැම් දැයකින් sugv ද සසල වෙයි.  ඒවා අසත්‍ය ප්‍රචාර විය හැකිය. නැතහොත් අර්ධ සත්‍යයන් විය හැකිය. එය කෙසේ වුවද එහි සංවර්ධන කාර්යයන්ට පෙරාතුව පරිසර සංරක්ෂණය, පුරාවස්තු සංරක්ෂණය ගැන දැඩිව  අවධානය යොමු විය යුතුය.  එහි චිර පැවැත්ම සහතික කළයුතුය.  බලය තිබූ පමණින් හිතුවක්කාර නොවී ඒ වෙනුවෙන් දැඩිව සංවේදීවීම වීම අවශ්‍ය ය.

Thanks google

වැඩිදුර විමසුමට

• සිරිසමන් විජේතුංගයන් (පුරාවිද්‍යා දෙ හිටපු අධ්‍යක්ෂ) – බුදුසරණ පුවත්පතට ලියූ ලිපිය
• සමනල කන්ද – විකිපීඩියා, නිදහස් විශ්වකෝෂය
• ශ්‍රීපාදස්ථානය – විකිපීඩියා, නිදහස් …
• ශ්‍රී පාදය යටතේ මෙහි ද සොයන්නhttp://www.sasrutha.com/
• blogspot.com
• http://viki.lk/adams-peak
• http://yakparapuresinhalayaa.blogspot.com/2012/11/blog-post_9585.html
• සපරගමුවේ පැරණි ලියවිලි – රාජකීය පණ්ඩිත පූජ්‍ය කිරිඇල්ලේ ඤාණවිමල හිමි

…………………………………………………………

1.අභය හේවාවසම්-බ්‍රොහියර් දුටු ලංකාව- සූරිය ප්‍රකාශනය 2002